Gwely a brecwast

Mae bwyty manorhaus Rhuthun yn cynnig profiad bwyta campus ond anffurfiol i'r rhai sy'n mwynhau bwydydd cyfoes wedi'u paratoi'n ffres sy'n manteisio'n llawn ar gynhwysion a chynnyrch lleol.

Mae Tŷ Sarum yn dŷ tref Sioraidd sy'n cynnig gwely a brecwast moethus, sydd wedi derbyn achrediad 4 seren gan Croeso Cymru, yn y dref hanesyddol hon. Mae'n adeilad rhestredig Gradd II ac yn darparu 3 ystafell foethus wedi eu haddurno a'u dodrefnu mewn steil unigol, pob un ohonynt yn cynnwys cyfleusterau 'en-suite'.

Gyda pharcio preifat ar gyfer ein gwesteion, rydym wedi ein lleoli o fewn pellter cerdded dau funud o Gastell hanesyddol Rhuthun. Yn wir, mae ein lleoliad yng nghanol y dref yn golygu y gallwch adael eich car wedi'i barcio yn ddiogel a mwynhau tafarndai a bwytai Rhuthun heb orfod poeni am dacsis neu gerdded am oesoedd i gyrraedd adref!

Mae brecwast Cymreig llawn yn rhan o'r pris aros gyda ni, wrth gwrs. Mae ein bwydlen yn cynnig ffrwythau a miwsli cartref, ac rydym yn falch o ddefnyddio cynhwysion lleol, gan gynnwys cig moch a selsig gan y cigydd John Jones, wyau buarth o Fferm Clyttir ac iogwrt o Landyrnog, ynghyd â bara soda cartref Helen, sy'n boblogaidd bob amser! Rydym yr un mor falch ein bod wedi sicrhau ac yn cynnal y sgôr uchaf ar gyfer paratoi bwyd a hylendid a ddyfarnwyd gan yr Asiantaeth Safonau Bwyd. Mae dewisiadau llysieuol ar gael ar bob amser.

Mae ein tair ystafell wedi eu henwi i adlewyrchu'r hanes a diwylliant lleol. Glyndwr yw enw ein hystafell fawreddog, i ddathlu Owain Glyndwr, yr arweinydd Cymreig a oedd yn cael ei gysylltu'n agos â Rhuthun yn yr 1400au. Mae Ystafell Llywelyn wedi ei henwi ar ôl y Tywysog Llywelyn, ein Llyw Olaf, ac Ystafell Dwynwen wedi ei henwi ar ôl Santes Dwynwen, nawddsant cariadon Cymru (tebyg i San Ffolant).

Estynnir gwahoddiad cynnes i westeion fanteisio ar ein gardd, efallai am baned o de / coffi ar y teras neu i edmygu'r golygfeydd o Fryniau Clwyd.

Ein nod yw gwneud arhosiad ein gwesteion mor bleserus â phosib, ac mae ein hadolygiadau ar Trip Advisor yn dyst i hyn.

Mae gennym ystod o fapiau yn rhoi manylion teithiau cerdded lleol, a medrwn roi cyngor i westeion ar lu o atyniadau lleol i ymweld â nhw. Rydym yn croesawu beicwyr ac mae gennym gyfleusterau golchi a storio diogel ar gyfer beiciau.

Cymrwch olwg ar ein gwefan, www.sarumhouseruthin.com neu ffoniwch John neu Helen ar 01824 703886.

Cewch flasu bwydydd godidog, ymlacio yn ein sba neu fwynhau un o'n Gwleddau Canoloesol enwog yng Nghastell Rhuthun, cyn suddo i wely moethus i gysgu fel tywysog neu dywysoges.

Cewch anghofio am y byd yn ein sba, ger tiroedd coetir gwledig ffos amddiffynnol wreiddiol y Castell, gyda thriniaethau a chlwb iechyd a fydd yn eich cynorthwyo i leddfu eich meddwl ac adfer eich ysbryd.

Gem frenhinol sy'n disgwyl i chi ei harchwilio yw Castell Rhuthun.

Lleolir Bryn Coch ger pentref Clawddnewydd a choedwig ardderchog Clocaenog. Mae ein teulu ni wedi byw yma am dros ganrif a ni yw'r bedwaredd genhedlaeth i ffermio yma. Mae'r llety teuluol hwn yn cynnig lleoliad heddychlon a chyffyrddus.

Mae Bryn Coch yn cynnwys ystafell i'r teulu ac ystafell i ddau, gyda chyfleusterau ymolchi yn y ddwy ystaell. Hefyd ceir lolfa, gyda thân agored, lle cewch ymlacio ar derfyn dydd.

Cynigiwn groeso Cymreig nodweddiadol a choginio cartref rhagorol, gan ddefnyddio cynhyrchion lleol, ffres. Rydym yn cynnig bwydydd i lysieuwyr ac unrhyw ddiet arbennig arall.

Cyn orsaf reilffarodd sydd bellach yn westy gwely a brecwast gwledig sydd wedi ennill sawl gwobr. Mae'r holl ystafelloedd yn cynnwys ystafell ymolchi a hefyd ceir lolfa deledu, pwll nofio, parcio preifat oddi ar y stryd, golygfeydd godidog. Mae'r lleoliad ddau funud o daith o dref ganoloesol Rhuthun â'i Chastell. Lleoliad canolog ar gyfer Caer, Lerpwl, Llandudno, Conwy, Gerddi Bodnant, Ynys Môn, Caernarfon, Eryri, Llangollen, Y Bala a holl drefi glan y môr arfordir gogledd Cymru, Betws y Coed, Portmeirion ac Iron Bridge.

Derbynnir cerdyn credyd. Dyfarniad 4 deiamwnt coch yr AA ac wedi'i ardystio gan Awdurdod Twristiaeth Prydain.

Mae ty gwledig Firgrove yn gartref Sioraidd cain mewn 1.5 erw o erddi aeddfed sy'n edrych dros Ddyffryn Clwyd, filltir o ganol tref farchnad ganoloesol Rhuthun, ac yn lleoliad delfrydol ar gyfer canfod rhyfeddodau gogledd Cymru a dinasoedd Caer a Lerpwl.

Mae ein llety 5 seren Croeso Cymru a 4 seren AA yn cynnig rhywle arbennig i westeion aros. Mae'r tair ystafell wely â'u dodrefn unigryw a'r lolfa yn caniatáu i chi ymlacio a dadflino. Gweinir prydau gyda'r nos ar gais ymlaen llaw. Edrychwch ar ein gwefan am ragor o fanylion.

Mae gan y Leyland Arms fwyta ac ystafelloedd gwely a brecwast. Cafodd rhannau o'r adeilad eu hailddylunio gan y pensaer enwog Clough Williams Ellis, a greodd Portmeirion.

Mae Pant Glas Canol yn cynnig dau fath o lety, sef gwely a brecwast a charafan hunan arlwyo ar y fferm. Ffermdy ffrâm bren o'r bymthegfed ganrif yw Pant Glas Canol a chafodd y ffermdy ei adfer yn llwyr yn 1990. O'r sil ffenestr isaf mae llong ben i waered wrth y ty. Mae Pant Glas Canol yn lle hardd ar gyfer mynd am dro, ac yn agos at drefi canoloesol Rhuthun a Dinbych. Mae'n gyfleus ar gyfer Caer, Betws y Coed, Parc Cenedlaethol Eryri, Y Bala, Llangollen ac arfordir a chestyll gogledd Cymru. Ar agor drwy gydol y flwyddyn.

Mae gwesty gwely a brecwast Bwthyn Plas Efenechtyd yn ffermdy Sioraidd hyfryd mewn erw o erddi hardd. Mae ar gyrion pentrefan tawel Efenechtyd a dwy filltir o Rhuthun.

Mae gennym ddwy ystafell wely ddwbl neu un ystafell wely â dau wely, gyda golygfeydd godidog dros Fryniau Clwyd. Mae pob ystafell â chyfleusterau ymolchi ac yn gyffyrddus dros ben.

Rydym ni'n gweini brecwast rhagorol i'ch paratoi ar gyfer y diwrnod. Mae'r bara a'r granola wedi eu gwneud gartref ynghyd â'r jam a'r marmalêd. Mae ein iâr yn darparu wyau ffres i frecwast ac rydym ni'n defnyddio cynnyrch lleol lle bynnag y bo modd.

Lleolir y cartref teuluol hanesyddol ac unigryw yma o'r bymthegfed ganrif, sy'n rhestredig, ynghanol Dyffryn Clwyd. Mae Rhydonnen yn adeilad gwefreddiol yn llawn hanes a harddwch, gyda llu o drawstiau derw a lleoedd tân traddodiadol, paneli Brenhines Ann a waliau plethwaith a chlai.

Mae Catherine, Michael a Katie yn eich gwahodd chi i aros a mwynhau ein cartref teuluo ynghanol cefn gwlad godidog ger trefn farchnad ddeniadol Rhuthun yng ngogledd Cymru.

Nid yw'n bell o Barc Cenedlaethol Eryri, arfordir Gogledd Cymru, Dyffryn Dyfrdwy, Llangollen, Yr Wyddgrug, Caer a Wrecsam. Mae gennym ni ystod ryfeddol o weithgareddau, pethau i'w gwneud a mannau i'w gweld yma ar garreg y drws.

Mae pob ystafell wely yn rhai 'en suite' ac yn darparu awyrgylch ymlacio delfrydol i westeion sy'n aros am gyfnod byr neu gyfnod hirach. Ni chaniateir ysmygu yn yr ystafelloedd gwely, a bydd yr holl gyfleusterau i wneud eich arhosiad yn gyffyrddus a phleserus ymhob un.

Mae lolfa ar gael i'n gwesteion ymlacio ynddi ar ôl diwrnod o weithgareddau a mwynhau cacennau a bisgedi cartref.

Dewch i ryfeddu at olygfeydd godidog Bryniau Clwyd!

Mae Huw ac Ella yn cynnig croeso cynnes i'w llety gwely a brecwast di-fwg a foderneiddwyd er cyffyrddusrwydd a boddhad eu gwesteion.

Mae llety gwely a brecwast Tyddyn Chambers yn lle delfrydol i aros, gyda golygfeydd eang o Fryniau Clwyd ac mewn lleoliad canolog ar gyfer crwydro gogledd Cymru, mynd i ddinas hanesyddol Caer, Erddig a Gerddi Bodnant dan ofal yr Ymddiriedolaeth Genedlaethol, trefi Betws y Coes a Llandudno a chyrchfannau glan y môr eraill.

Mae'r llety yn cynnwys un ystafell wely ddwbl, un ystafell wely i deulu ac un ystafell wely dau wely.

Mae'r addurno a'r dodrefnu i'r safon uchaf. Mae gan bob un gyfleusterau ymolchi a llawer o bethau bach ychwanegol. Teledu, cyfleusterau gwneud te/coffi, radio/cloc larwm, sychwr gwallt a gwres canolog yn gwneud eich arhosiad yn un pleserus dros ben.

Ystafell dau wely ar gael yn Llanfair Dyffryn Clwyd, dwy filltir o dref farchnad hanesyddol Rhuthun - y pris yw £56 am yr ystafell i ddau, neu £35 i un.
Cawod a thoiled preifat, a mynedfa breifat.
Cewch ddefnyddio'r ystafell ardd hefyd.
Teledu LCD a pheiriant DVD.
Te a choffi yn yr ystafell.
Sychwr gwallt.
Cysylltiad di-wifr am ddim ar y safle.
Gweinir brecwast cyfandirol yn yr ystafell ardd.
Tafarn wledig yn cynnig prydau bwyd 200 llath o'r eiddo.
Gradd hyledid uchaf gan Iechyd yr Amgylchedd Cyngor Sir Ddinbych
Gellir trefnu dod i nôl cerddwyr o lwybr Clawdd Offa.